ធ្វើដូចម្តេចក្លាយជាសហគ្រិនជោគជ័យក្នុងអាជីវកម្ម
បច្ចុប្បន្នពលរដ្ឋកម្ពុជា ជាច្រើនបានចាប់ផ្ដើមស្វែងយល់ ក៏ដូចជាឈានជើងចូលទៅក្នុងភាពជាសហគ្រិន ប៉ុន្តែការទទួលបានជោគជ័យនៅក្នុងអាជីវកម្មនៅមានចំនួនតិចតួចនៅឡើយ ។ ដូច្នេះតើគួរធ្វើដូចម្តេចដើម្បីក្លាយជាសហគ្រិនជោគជ័យ ?
លោក អោម សេង បូរ៉ា គ្រូបង្វឹកថ្នាក់ដឹកនាំធុរកិច្ច និងជាក្រុមប្រឹក្សាភិបាលឯករាជ្យនៃក្រុមហ៊ុនរដ្ឋាករទឹកស្វយ័តរាជធានីភ្នំពេញ បានបង្ហាញចំណុចលេចធ្លោមួយចំនួនដើម្បីចង់ក្លាយជាសហគ្រិនជោគជ័យ។ ចំណុចទាំងនោះរួមមាន ៖
១-ត្រូវមានចំណង់ឲ្យខ្លាំងនៅក្នុងការរកស៊ីខុសពីអ្នកប្រកបមុខរបរតូចតាចធម្មតា ហើយត្រូវសួរខ្លួនឯងថា ហេតុអ្វីបានជាយើងចង់ក្លាយជាសហគ្រិន ព្រោះនៅក្នុងសហគ្រិន១០នាក់មាន៨នាក់ហើយដែលបរាជ័យ ។
២-ត្រូវរៀនសូត្រពីសហគ្រិនជោគជ័យទាំងនៅក្នុងស្រុកនិងក្រៅស្រុក និងត្រូវមានគំនិតច្នៃប្រឌិតខ្ពស់នៅក្នុងអាជីវកម្ម ។
៣-ស្វែងរកការជួបបុគ្គលធ្លាប់ឆ្លងកាត់ក្នុងភាពជាសហគ្រិនដើម្បីទទួលបានបទពិសោធន៍ជោគជ័យនិងការបរាជ័យរបស់គេធ្វើជាមេរៀន។
៤- ត្រៀមលក្ខណៈឆ្លងកាត់នូវឧបសគ្គ និងបញ្ហាជាច្រើនដែលអាចកើនឡើងគ្រប់ពេល ខុសប្លែកពីយើងធ្វើការឲ្យគេ ។
៥-ត្រូវមានផែនការអាជីវកម្មច្បាស់លាស់ បើមិនដូច្នេះទេ ដំណើរការអាជីវកម្មមួយនេះនឹងមិនភាពយូរអង្វែង និងលូតលាស់ឡើយ ។
៦-ត្រូវមានជំនាញលក់ និងជំនាញទីផ្សារឲ្យខ្លាំងក្នុងនាមជាសហគ្រិន ធ្វើយ៉ាងណាឲ្យកេរ្តិ៍ឈ្មោះរបស់យើងល្បីល្បាញ ក្រៅពីការគ្រប់គ្រងផ្នែកហិរញ្ញវត្ថុ និងរបាយការណ៍នោះ ។
៣-ស្វែងរកការជួបបុគ្គលធ្លាប់ឆ្លងកាត់ក្នុងភាពជាសហគ្រិនដើម្បីទទួលបានបទពិសោធន៍ជោគជ័យនិងការបរាជ័យរបស់គេធ្វើជាមេរៀន។
៤- ត្រៀមលក្ខណៈឆ្លងកាត់នូវឧបសគ្គ និងបញ្ហាជាច្រើនដែលអាចកើនឡើងគ្រប់ពេល ខុសប្លែកពីយើងធ្វើការឲ្យគេ ។
៥-ត្រូវមានផែនការអាជីវកម្មច្បាស់លាស់ បើមិនដូច្នេះទេ ដំណើរការអាជីវកម្មមួយនេះនឹងមិនភាពយូរអង្វែង និងលូតលាស់ឡើយ ។
៦-ត្រូវមានជំនាញលក់ និងជំនាញទីផ្សារឲ្យខ្លាំងក្នុងនាមជាសហគ្រិន ធ្វើយ៉ាងណាឲ្យកេរ្តិ៍ឈ្មោះរបស់យើងល្បីល្បាញ ក្រៅពីការគ្រប់គ្រងផ្នែកហិរញ្ញវត្ថុ និងរបាយការណ៍នោះ ។
៧-ត្រូវមានគំនិតច្នៃប្រឌិតរហូត និងចេះប្រើធនធានរបស់អ្នកដទៃដែលនៅជុំវិញ ចេះកៀងគរមនុស្ស និងស្វែងការគាំទ្រពីដៃគូ ។
៨-ត្រូវបន្តរៀនសូត្រនូវអ្វីដែលខ្លួនមិនចេះ និងត្រូវស្គាល់ឲ្យច្បាស់ពីបរិយាកាសនៅក្នុងអាជីវកម្ម ទើបយើងអាចប្រឡូកជាមួយគេបាន។
៩-ត្រូវមានកិច្ចសហការជាមួយនឹងបុគ្គលឆ្នើមៗឲ្យបានច្រើននៅក្នុងសង្គម ។ល។
៨-ត្រូវបន្តរៀនសូត្រនូវអ្វីដែលខ្លួនមិនចេះ និងត្រូវស្គាល់ឲ្យច្បាស់ពីបរិយាកាសនៅក្នុងអាជីវកម្ម ទើបយើងអាចប្រឡូកជាមួយគេបាន។
៩-ត្រូវមានកិច្ចសហការជាមួយនឹងបុគ្គលឆ្នើមៗឲ្យបានច្រើននៅក្នុងសង្គម ។ល។
លោកបន្ថែមថា នៅពេលបច្ចុប្បន្ន សហគ្រិនត្រូវមានការយល់ដឹងពីបច្ចេកវិទ្យា ព្រោះបច្ចេកវិទ្យាជាឧបករណ៍ជំរុញឲ្យសហគ្រិនមានភាពងាយស្រួលជាងមុន និងត្រូវចេះប្រើប្រាស់ប្រព័ន្ធទំនាក់ទំនងសង្គមបានកំពុងមានការរីកចម្រើនខ្លាំងនាពេលសព្វថ្ងៃនេះ ។
អ្នកស្រី សេង តក្កនារី នាយិការបស់សន្តុសាសៀល និងជាស្ថាបនិកនៃសមាគមសហគ្រិនស្ត្រីកម្ពុជា មានប្រសាសន៍ថា ដើម្បីកា្លយជា សហគ្រិនឈានមុន ទាល់តែយើងមានគំនិតច្នៃប្រឌិតខ្ពស់ ថ្មី ប្លែកពីគេ ហើយគ្រប់ផលិតផលរបស់យើងត្រូវមានគុណភាព និងតម្លៃសមរម្យ ទើបធ្វើឲ្យការធ្វើអាជីវកម្មរីកចម្រើន ។
អ្នកស្រីបន្ដថា សហគ្រិនមួយដើម្បីរក្សាបាននូវជោគជ័យរបស់ខ្លួន ត្រូវមានការប្រុងប្រយ័ត្នខ្ពស់ ហើយត្រូវសួរខ្លួនឯងថា យើងនៅមានខាតចំណុចខ្វះខាតណាខ្លះ ដើម្បីការពារនៅលំហូរផ្នែកណាមួយក្នុងអាជីវកម្មឲ្យបានច្បាស់លាស់ ។
អ្នកស្រី កែវ មុំ អគ្គនាយិកាក្រុមហ៊ុន លី លី ផលិតនំស្រួយ និងជាប្រធានសមាគមសហគ្រិនស្ត្រីកម្ពុជា មានប្រសាសន៍ថា ភាពជោគជ័យវាដើរនៅខាងមុខភាពបរាជ័យតែបន្តិចប៉ុណ្ណោះ ប្រសិនបើយើងមិនប្រុងប្រយ័ត្ននៅក្នុងអាជីវកម្មវាអាចធ្វើឲ្យយើងបរាជ័យបាន។ ការធ្វើអាជីវកម្មត្រូវការផ្លាស់ប្តូររបៀបនៃការគ្រប់គ្រងពីខ្នាតតូច មធ្យម និងធំ ទើបការធ្វើអាជីវកម្មមានការរីកចម្រើន ។ ក្នុងនោះដែរ ការធ្វើអាជីវកម្មកាន់តែធំ ការប្រឹងប្រែងនិងភាពប្រុងប្រយ័ត្ន គឺកាន់តែខ្ពស់ និងត្រូវមានជំនឿចិត្តលើខ្លួនឯង ព្យាយាមដោះស្រាយបញ្ហានានាឲ្យបានទាន់ពេលវេលា កុំទុកបញ្ហានោះកើនឡើងម្តងហើយម្តងទៀត ។
ដើម្បីក្លាយជាសហគ្រិនជោគជ័យ អ្នកស្រីថា សំខាន់គឺគំនិត បញ្ញា ធ្វើអ្វីត្រូវមានជំនឿចិត្តខ្លួនឯង ត្រូវចេះបត់បែនទៅតាមកាលៈទេសៈ ខុសប្លែកពីទ្រឹស្តីដែលយើងសិក្សា៕
Comments