ចង់ដឹងត្រូវអាន ថាតើវាមានន័យយ៉ាងណា បើអ្នកចង់ដឹងពិតមែនតោះអាន

ខ្មាសខ្លួនឯង

ស៊ិន អក្ខរា សម័យថត ២០១៧

កើតមកជាមនុស្សតែសាងអាក្រក់            ស្លាប់មុនដេកលក់រស់អសោចកេរ្តិ៍

អ្នកផងស្អប់ខ្ពើមរអើមគ្មានល្ហែ                         ស្លាប់ទៅសល់តែទ្រព្យកេរ្តិ៍អាស្រូវ ។

ព្រោះតែក្ដីល្ងង់លង់ធ្វើអាក្រក់                          ជីវិតគម្រក់ឈ្មោះអសោចកូវ

យល់ឈឺថាជាគិតខុសថាត្រូវ                          ប្រពន្ធកូនចៅរស់ទាំងអាប់កេរ្តិ៍ ។

អស់ផ្លូវត្រូវកែលាញាតិទៅបួស                       រឹតតែស្អុយឈ្មោះមួយគុណទ្វេ

ព្រោះស្នាមកំហុសមានមិនព្រមកែ                  អាងអីអាតែរត់គេចបញ្ហា ។

ចង់ឡើងឋានសួគ៌ឱ្យធ្វើកុសល                        សំណាងសាងដល់ដល់ទីសុខា

តែធ្វើផ្ទុយគ្នាអ្នកពិតទុក្ខា                                  ប្រយោជន៍ខ្លឹមសារត្រូវអន្តរាយ ។

បើមិនខ្មាសគេគួរខ្មាសខ្លួនឯង                          រស់សោកសង្រេងចំបែងគ្មានណាយ

ព្រោះតែខ្លួនឯងសាងទុក្ខឱ្យកាយ                     សូមអ្នកទាំងឡាយគិតមុនចាំគូរ ៕

                               

និពន្ធ ស៊ិន អក្ខរា ១២/១២/២៥៦១